ევროპის ჩემპიონთა ლიგის ჯგუფური ეტაპი დასრულდა და შემდეგ პარასკევს (18 დეკემბერი) შვეიცარიის ქალაქ ნიონში თბილისის დროით 15.00 საათზე გაიმართება კენჭისყრა, რომელიც გაარკვევს თუ ვინ დაუპირისპირდება მილანის ინტერს მერვედფინალში. ლიგის თამაშები თებერვლის მეორე ნახევარში განახლდება, უფრო ზუსტად კი მერვედფინალის პირველი შეხვედრები 16-17 თებერვალს ჩატარდება, განმეორებითი მატჩები კი ერთი კვირის თავზე 23-24-ში. ჯგუფური ეტაპი პირველი ადგილიდან გადალახეს: ბორდო, მანჩესტერი, რეალი, ჩელსი, ფიორენტინა, ბარსელონა, სევილია, არსენალი. თითოეული ამ გუნდთაგანი რომელიმემეორე ადგილზე გასულ გუნდს შეხვდებიან: ბაიერნი, ცე ეს კა, მილანი, პორტო, ლიონი, ინტერი, შტუტგარტი, ოლიმპიაკოსი. მესამე ადგილზე გასული გუნდები კი ევროპის ლიგის გათამაშებაში ჩაებმებიან: იუვენტუსი, ვოლფსბურგი, მარსელი, მადრიდის ატლეტიკო, ლივერპული, რუბინი, უნირეა, ლიეჟის სტანდარტი.
|