მილანის "ინტერის” თავდამსხმელის, სამუელ ეტოოს "პარის სენ ჟერმენში” შესაძლო გადასვლის საკითხი კვლავ აქტუალურია. იტალიური პრესის ცნობით, დღეს ლეონარდო კამერუნელს შეხვდება და საფრანგეთში ერთად გადაბარგებაზე მის დაყოლიებას შეეცდება.
მართალია, ლეონარდო ოფიციალურად კვლავ "ინტერის” მთავარ მწვრთნელად ითვლება, მაგრამ საიდუმლო არავისთვისაა, რომ მალე იგი პსჟ-ს სპორტული დირექტორი გახდება. ცოტა ხნის წინათ გავრცელებული ინფორმაციის თანახმად, ლეონარდოს გარდა, პარიზელებს გუნდში ჟერემი მენეზის, სამუელ ეტოოსა და ჟოზე მოურინიოს მიწვევაც სურდათ. მენეზი საფრანგეთში დაბრუნებასთან ახლოსაა, მოურინიოს მიერ პსჟ-ს ჩაბარება თავიდანვე არარეალურად ჩანდა, ხოლო ეტოოს "ინტერიდან” წასვლის შესაძლბელობა მილანელთა პრეზიდენტმა მასიმო მორატიმ გუშინ გამორიცხა. თუმცა, თუ Corriere dello Sport-ს დავუჯერებთ, პარიზელები 30 წლის კამერუნელ თავდამსხმელს წელიწადში თხუთმეტ მილიონ ევროს სთავაზობენ და ასეთი წინადადების უგულვებელყოფა ნამდვილად ძნელია.
|
FC.INTERNAZIONALE 
Fc.inter