FC.INTERNAZIONALE              

განსო იტალიის იქით არ იხედება

სტანკოვიჩი: ყველა ჩვენს დაღმასვლას ელოდა

დი ვაიო ვივიანოს ინტერში გადასვლას არ ურჩევს 

მდიდრების ათეული

ბრაზილიური სანტოსის 21 წლის ნიჭიერი გამთამაშებელი პაულო ენრიკე განსო, საკუთარ მომავალს მხოლოდ იტალიას უკავშირებს.
"ჩემს მომავალს მხოლოდ იტალიას ვუკავშირებ. ვიცი, რომ ჩემთვის ორი მილანური კლუბი იბრძვის, რაც სასიამოვნოა. ზაფხულში გავიგებთ, თუ ვინ გაიმარჯვებს, მილანი თუ ინტერი - იუწყება განსოს სიტყვებს Sky Sports - ი.
21 წლის განსო სანტოსში 2008 წლიდან გამოდის და ასხუთ შეხვედრაში 24 გოლი გაიტანა. ბრაზილიის ეროვნულ გუნდში, ახალგაზრდა ფეხბურთელმა ერთი მატჩი ჩაატარა – დებიუტი გასული წლის ათ აგვისტოს, აშშ-ს ნაკრებთან გამართულ სპარინგში ჰქონდა.

მილანის ინტერის ნახევარმველმა დეიან სტანკოვიჩმა განაცხადა, რომ მოწინააღმდეგე გუნდები ნერიაძურის დაღმასვლას ელოდა.

ბოლო 5 წელი შესანიშნავად ვთამაშობდით და მოვიპოვეთ ბევრი მნიშვნელოვანი ტიტული. ყველა ჩვენს დაღმასვლას ელოდა, მაგრამ მათ მოცდა დიდი ხნით დასჭირდათ.

როდესაც ინტერი მარცხდება ან ვერ თამაშობს სათანადოდ, ყველა იმაზე იწყებს ლაპარაკს, რომ ინტერმა თავისი ლიმიტი ამოწურა. დანამდვილებით შემიძლია გითხრათ, რომ ასეთი დასკვნები მცდარია. ჩვენ გავდივართ მოედანზე რათა ვაჩვენოთ ჩვენი ფეხბურთი და ვთამაშობთ თავდაჯერებულად.  - დაასრულა სერბმა.

იტალიური ბოლონიას ვეტერანი თავდამსხმელი, მარკო დი ვაიო გუნდის 25 წლის მეკარეს, ემილიანო ვივიანოს მილანის "ინტერში” გადასვლას არ ურჩევს. ბოლონიელთა კაპიტნის განცხადებით, ვივიანოს სათამაშო პრაქტიკა სჭირდება, რაც მას მილანურ გრანდში არ ექნება.

ვფიქრობ, ინტერში გადასვლის შემთხვევაში, ვივიანო შეცდომას დაუშვებს. ის ჯერ კიდევ ახალგაზრდაა და სათამაშო პრაქტიკა სჭირდება. დაუშვებელია, მისი სათადარიგოთა სკამზე ჯობა. ვივიანოს ამას ხშირად ვეუბნები ხოლმე – ციტირებს დი ვაიოს სიტყვებს Sky Sports-ი.

ხელფასები, სხვადასხვა ბონუსები და რეკლამიდან შესული თანხები – ამის მიხედვით შეადგინა ჟურნალმა Forbes-მა მსოფლიოს 10 უმდიდრესი ფეხბურთელის სია, ანუ ვინ რამდენს გამოიმუშავებს წელიწადში. ყველაზე მდიდარი, რა თქმა უნდა, ლოს ანჯელეს გალაქსის ინგლისელი ვარსკვლავი დევიდ ბექჰემია, თუმცა არც კრიშტიანუ რონალდუს უჭირს”. ორმოც მილიონ დოლარს ბექზი შოულობს, 38-ს – პორტუგალიელი.

აქვე, ათეულიც (თანხა მოცემულია ამერიკულ დოლარებში):
1. დევიდ ბექჰემი ("ლოს ანჯელეს გალაქსი” ) – 40 მილიონი.
2. კრიშტიანუ რონალდუ ("რეალი”) – 38.
3. ლეო მესი ("ბარსელონა”) – 32.
4. კაკა ("რეალი”) – 25.
5. რონალდინიო ("ფლამენგო”) – 24.
6. ტიერი ანრი ("ნიუ-იორკ რედ ბულზი”) – 21.
7. უეინ რუნი ("მანჩესტერ იუნაიტედი”) – 20.
8. ფრენკ ლამპარდი ("ჩელსი”) – 17.
9. ზლატან იბრაჰიმოვიჩი ("მილანი”) – 17.
10. სამუელ ეტოო  ( ინტერი ) – 15.