 „ინტერის" ფორვარდმა ანტონიო კასანომ აღიარა, რომ ახალგაზრდობაში ბალოტელიზე ცუდად იქცეოდა. „მე და ბალოტელის მსგავსი კარიერა გვაქვს? აქ ერთი განსხვავებაა- მას, სავარაუდოდ, უყვარს ჟურნალების გარეკანზე მოხვედრა, მე კი – არა. თუმცა მე უფრო ცუდად ვიქცეოდი ახალგაზრდობაში: ვაცდენდი ვარჯიშებს, მანქანით შევდიოდი გაზონზე, რას აღარ ვაკეთებდი. მარიო – შესანიშნავი ბიჭია, მას კარგად ვიცნობ. მასთან შედარებით ისეთ „ნომრებს" ვასრულებდი, რის შედეგადაც 5 გუნდიდან გამომაგდეს – წარმოიდგინეთ რა უნდა გააკეთო რომ ეს დაიმსახურო." – ციტირებს მის სიტყვებს „ინტერის" ოფიციალური საიტი. კასანომ ასევე გამოთქვა თავისი აზრი „ინტერის" ახალწვეულზე – მატეო კოვაჩიჩზე. „მე ვნახე პირველ ვარჯიშზე. მას დიდი შესაძლებლობები გააჩნია. გუნდმა ჭკვიანურად დახარჯა საკმაო თანხა მის შესაძენად. ის „ინტერში" 10 წელს მაინც ითამაშებს და დიდებული ფეხბურთელი იქნება. ამაში 100%-ით ვარ დარწმუნებული."
| 
FC.INTERNAZIONALE 
Fc.inter