გასულ ზაფხულში ლეანდრო დამიაოს თემა "ინტერისთვის" ძალიან აქტუალური იყო. შემდეგ ბრაზილიელისათვის ბრძოლაში "იუვენტუსიც"ჩაერთო, თუმცა ყველაფერი ჩაიშალა. დღეს ფორვარდის აგენტი ჟურნალისტებს გაესაუბრა და მისი კლიენტის სამომავლო გეგმებზე ისაუბრა:
"ბავშვობაში ლეანდრო იტალიის ჩემპიონატის დიდი გულშემატკივარი იყო და იქ თამაშზე ოცნებობდა. დიდი ალბათობით, იგი მომავალი სატრანსფერო ფანჯრის გახსნისთანავე დატოვებს სამშობლოს. ჯერ ოფიციალური წინადადები არ მიგვიღია, მაგრამ დაინტერესება ბევრია, განსაკუთრებით "სერია ა"-დან"
23 წლის მოთამაშე "ინტერნაციონალში" 2010 წლიდან ასპარეზობს და 72 შეხვედრაში 28 გოლი აქვს გატანილი.