მახაჭყალის "ანჟის” კამერუნელმა თავდამსხმელმა სამუელ ეტო’ომ საკუთარი კომიქსების წიგნი შეადგინა. წიგნი სპორტსმენის ბიოგრაფიას გვიყვება. მკითხველი შეიტყობს თუ როგორ გახდა მსოფლიოს ყველაზე მაღალანაზღაურებადი ფეხბურთელი, ბიჭი, რომელიც ბავშვობაში მშობლიურ ქალაქ დუალაში თევზის გაყიდვით ირჩენდა თავს. ეტო’ო ამბობს, რომ სურს თავისი ცხოვრებისეული გამოცდილება ახალგაზრდებს გაუზიაროს: "სამუელი ყოველთვის მილიარდერი არ ყოფილა, როგორც ახლა ბევრს ჰგონია. ამ წარმატების უკან უდიდესი ოფლისღვრა და სამუშაო დგას. ამიტომ, სწორედ მუშაობა უნდა იყოს ყველასათვის ცხოვრების პრიორიტეტი,” – დასძენს წინასიტყვაობაში კამერუნელი.
წიგნი ფრანგულენოვანია. პირველი ნაწილი ფეხბურთელის ბავშვობას ეხება და საფრანგეთის მაღაზიებში გასაყიდად 31 იანვარს გავა. სულ წიგნის 9 ნაწილად გამოსცემენ.
შეგახსენებთ, რომ ეტო’ო "ანჟიში” იტალიური "ინტერიდან” 2011 წლის ზაფხულში გადავიდა. ამჟამად მისი წლიური გასამრჯელო დაახლოებით 20 მილიონი ევროა.
| 
FC.INTERNAZIONALE 
Fc.inter