იტალიური ჯენოას მთავარი მწვრთნელი ჟანპიერ გასპერინი თვლის, რომ მის გუნდს ”ინტერის” დამარცხება შეუძლია. შეგახსენებთ, გენუელები ნერაძურის დღეს საღამოს საკუთარ მოედანზე მიიღებენ, სატურნირო ცხრილში მათ მხოლოდ სამი ქულა აშორებთ და უაღრესად დაძაბული ბრძოლაა მოსალოდნელი. არც ისე ამპარტავნები ვართ, რომ თავს ინტერის დონის გუნდად ვთვლიდეთ, მაგრამ სწორედ რომ მათი პატივისცემა და მაქსიმალური კონცენტრაცია იქნება ის მთავარი ფაქტორები, რომლებმაც იტალიური და ევროპული ფეხბურთის ერთ-ერთი გრანდის დამარცხება უნდა შეგვაძლებინონ. უფრო მეტიც, გული მწყდება, რომ სტუმრებს მილიტო და მოტა დააკლდებიან, უძლიერესთან თამაშს ეშხი სწორედ მაშინ აქვს, როცა შენს წინ მთელი ვარსკვლავთკრებულია, - მოჰყავს გასპერინის სიტყვები Football Italia-ს.

FC.INTERNAZIONALE