ავტორიტეტული იტალიური გამოცემის, La Gazzetta dello Sport-ის ცნობით, ჯერ კიდევ იტალიის ჩემპიონის ტიტულის მატარებელი მილანი ინტერი ჩეზენას საკუთრებაში მყოფ იაპონელ ფეხბურთელს, იუტო ნაგატომოს აუცილებლად გამოისყიდის.
24 წლის ფლანგის მცველი ინტერში, იჯარის წესით, ზამთრის სატრანსფერო სეზონის დროს გადავიდა და მილანური გუნდის მაისურით ჩატარებულ თოთხმეტ მატჩში, მას ცუდი შთაბეჭდილება ნამდვილად არ დაუტოვებია. ნაგატომოს ერთ-ერთი უმთავრესი დადებითი თვისება ისაა, რომ მას შეუძლია დაცვის როგორც მარჯვენა, ასევე მარცხენა ფლანგზე თამაში.
იტალიელი ჟურნალისტების ცნობით, ინტერი ნაგატომოს გამოსყიდვას არა მხოლოდ მისი კარგი თამაშის, არამედ ფინანსური ინტერესის გამოც შეეცდება. თუ ტრანსფერი განხროციელდა, მაშინ შორეულ აღმოსავლეთში პოპულარობის მოპოვება მილანელებს უფრო გაუადვილდებათ.
La Gazzetta dello Sport-ის ცნობით, ნაგატომოს ტრანსფერი ინტერს 4 მილიონი ევრო დაუჯდება.
|
FC.INTERNAZIONALE 
Fc.inter