FC.INTERNAZIONALE              

                                "ინტერი” 3-4 "ატალანტა”

გოლები: როკი 43, ბონავენტურა 56, ალვარეზი 57, 61, დენისი 65 (პენ.), 71, 77.

"ინტერი” – ჰანდანოვიჩი, ძანეტი, სამუელი, პერეირა, რანოკია, ჟუანი, კამბიასო (სკელოტო 83), გუარინი, კოვაჩიჩი, კასანო (ალვარესი 32), როკი.

"ატალანტა” – პოლიტო, კანინი, სტენდარდო, სკალონი, დელ გროსო (ბრივიო 75), ბონავენტურა, კარმონა (ლივაია 55), ჩიგარინი, რაიმონდი, 

ბონდინი, დენისი (კაცოლა 83).
გაფრთხილებები: კოვაჩიჩი, რანოკია – სკალონი, ბონდინი
გაძევება: რაიმონდი 90 (უხეში ჯარიმა)

  ევროპის ლიგის საგზურისთვის მებრძოლი „ინტერი" „ატალანტას" საკუთარ კედლებში დამარცხებას უნდა ახერხებდეს, მითუმეტეს, როდესაც შეხვედრის დასრულებამდე ნახევარი საათით ადრე, სტრამაჩონის გუნდს ორბურთიანი უპირატესობა ჰქონდა.
დიეგო მილიტოსა და როდრიგო პალასიოს ტრავმების გამო, ანდრეა სტრამაჩონის ძირთად შემადგენლობაში ტომაზო როკის დაყენება მოუხდა, რაც ამ ფეხბურთელის მილანურ კარიერაში პირველად მოხდა. 35 წლის შემტევმა იმედები გაამართლა - „ინტერმა" ტაიმი მისი სადებიუტო გოლით მოიგო. 43-ე წუთზე, მასპინძლებმა კუთხური მოაწოდეს, ხოლო ახლო ძელთან მყოფმა როკიმ ბურთი კარში ერთი შეხებით გადაგზავნა.

56-ე წუთზე, ლივაიას ფლანგური ჩაწოდების შემდეგ, ბონავენტურამ ანგარიში კი გაათანაბრა, მაგრამ 5 წუთში, „ინტერი" წინ უკვე 2 ბურთით იყო გაჭრილი. ბერგამოელთა კარში ორივე გოლი რიკი ალვარესმა გაიტანა. 24 წლის არგენტინელმა ჯერ მეტოქის შეცდომით ისარგებლა, შემდეგ კი, გოლი ინდივიდუალური ოსტატობით გაიტანა.
ამის შემდეგ, ჯერი მე-2 არგენტინელზე მიდგა, რომელმაც „ინტერს" 3-ჯერ გაუტანა. საუბარი, რა თქმა უნდა, „ატალანტას" ლიდერზე, ხერმან დენისზე გვაქვს. ბერგამოელთა კაპიტანმა ჯერ თერთმეტმეტრიანის ნიშნულიდან, შემდეგ საჯარიმოს წინა ხაზიდან, ხოლო ბოლოს დაახლოებით 7 მეტრიდან დარტყმით გაიტანა.