ინგლისური Sky Sports-ის ცნობით, "ინტერი” და "ლივერპული” მილანელთა ბრაზილიელი ნახევარმცველის, ფილიპ კოუტინიოს ტრანსფერზე შეთანხმდნენ. 20 წლის სამხრეთ ამერიკელი შუახაზელის "ინტერიდან” შესაძლო წასვლის შესახებ ინფორმაცია პირველად არ გავრცელებულა. აქამდე, ახალგაზრდა ბრაზილიელს "საუთჰემპტონს” უკავშირებდნენ, მაგრამ ინგლისელი ჟურნალისტების ცნობით, "ლივერპულის” წარმომადგენლებმა კონკურენტს დაასწრეს და "ინტერთან” შეთანხმებას მიაღწიეს. ივარაუდება, რომ უახლოეს დღეებში, "ლივერპულმა” შეთანხმებას უკვე თავად ფეხბურთელთან უნდა მიაღწიოს, რის შემდეგაც, კოუტინიო სამედიცინო შემოწმებას გაივლის და კონტრაქტს ხელს მოაწერს.
|