ინტერი 0–0 სამპდორია (ფეხბურთელთა შეფასებები + ვიდეო)
გუშინ საღამოს, "ჯუზეპე მეაცას" სახელობის მოედანზე სერია "ა"–ს XXV ტურის მატჩი გაიმართა, სადაც ერთმანეთს ადგილობრივი "ინტერი" და "სამპდორია" დაუპირისპირდნენ. შეხვედრამ გარდამავალ უპირატესობაში ჩაიარა და შესაბამისი ანგარიშით 0–0 დასრულდა.
(ფეხბურთელთა შეფასებები)
ჟულიო სეზარი: 6 – კარგად ითამაშა, მაგრამ ბევრი საქმე ნამდვილად არ ჰქონია. მას მხოლოდ პირველ ნახევარში მოუწია თამაშში ჩართვა, თორემ მეორე ტაიმში "ინტერის" კარის მიმართულებით მეტოქე გუნდს არც კი დაურტყამს.
მაიკონი: 7 – როგორც ყოველთვის, ძალიან მაღალ დონეზე ითამაშა... დუგლასის ასეთი მოქმედებები უკვე ტენდენციად ჩამოყალიბდა, ბრაზილიელის ვერც ერთი გაბრწყინება ვეღარ აკვირვებს გულშემატკივარს. მაიკონი ძალიან სტაბილურ და ნაყოფიერ ფეხბურთელად ჩამოყალიბდა.
სამუელი: 4 – ძალიან ცუდად იასპარეზა, ბევრს უხეშობდა და სანაცვლოდ წითელი ბარათიც დაიმსახურა... არგენტინელმა გუნდი დააღალატა, ემოციებს აყოლილმა ნერვები ვეღარ მოთოკა და შეხვედრის არბიტრის მისამართით უხამსი სიტყვებიც არ დაიშურა.
კორდობა: 3 – ამ კოლუმბიელზე საუბარი საერთოდ ზედმეტია... რბილად რომ ვთქვათ, მან უსახურად იასპარეზა. ჯერ იყო და საკუთარ საჯარიმოსთან ახლოს მეტოქე გუნდის ფეხბურთელს ძალიან უხეშად ეთამაშა, ხოლო ტაიმის ბოლოს კიდევ ერთი ყვითელი ბარათი მიიღო და შესაბამისად მოედნის დატოვება მოუხდა.
ძანეტი: 7 – ვეტერანი არგენტინელი ბრწყინვალე ფორმაშია. იგი დღითი დღე პროგრესირებს და საკუთარი გუნდისთვის დიდი სარგებელიც მოაქვს. ხავიერი ჩვეულად ბრწყინავს და "ნერაძურას" გულშემატკივარს უდიდეს სიხარულს ჩუქნის.
სტანკოვიჩი: 7 – სერბი ნახევარმცველი ნახევარდაცვის ცენტრალურ ნაწილს ბრწყინვალედ აკონტროლებდა, თანაგუნდელებს გამჭოლი და რაც მთავარია ზუსტი პასებით ამარაგებდა. მილანელთა წარმატების საწინდარი სწორედ სტანკოვიჩის კარგი თამაში იყო.
კამბიასო: 8 – გასულ შეხვედრაში ესტებანმა, მარცხენა გარემარბად ითამაშა და არც თუ ურიგო შთაბეჭდილება დატოვა გულშემატკივარზე. მან საკუთარ გუნდში საუკეთესო შეფასება დაიმსახურა.
მუნტარი: 6 – უბრალოდ და ლაკონურად, რომ ვთქვათ განელი "ინტერის" დონის ფეხბურთელი ნამდვილად არ არის.
სნეიდერი: 7 – ჰოლანდიელი ჩვეულად ბრწყინავს, მან გუშინდელ მატჩშიც დიდებულად იასპარეზა... ეტო'ოს საგოლე გადაცემაც გაუკეთა, მაგრამ კამერუნელმა ყველასდა გასაკვირად 7 მეტრიდან ვერ მოახერხა გოლის გატანა.
ეტო': 6 – ძალიან ცუდად ითამაშა, უამრავი საგოლე მომენტი ვერ გამოიყენა და გუნდის წარუმატებლობაში მთავარი წვლილი შეიტანა.
მილიტო: 7 – არგენტინელი ძალიან ნაყოფიერად მუშაობდა... რამდენიმე კარგი შეტევა განავითარა, მაგრამ ვერც ერთი მათგანი სასურველი შედეგით ვერ დაასრულა.
|
FC.INTERNAZIONALE 
180 წუთი უგოლოდ ვტოვებთ მოედანს და იმედია ჩელსისთან გავიტანთ გასატანს ანუ ეტოო დროა გოლით გაგვახარო რაა 
Fc.inter