იტალიის თასის კენჭისყრამ ხსენებული ტურნირის 1/4 ფინალური ეტაპის ოთხი წყვილი გამოავლინა… ყველაზე საინტერესო მატჩი ინტერსა და იუვენტუს შორის უნდა გაიმართოს. 1/8 ფინალში ინტერმა მინიმალური ანგარიშით სძლია ლივორნოს (1:0), იუვენტუსმა კი საკუთარ მოეადნზე ნაპოლი გაანადგურა 3:0. იუვენტუსი და ინტერის დაპირისპირება ყოველთვის საინტერესო, დაძაბული და სანახაობრივი იყო, ეს ორი კლუბი ერთმანეთს ყოველთვის ეცილებოდა სერია A-ს მოგებას, ახლა კი მიუხედავათ იმისა, რომ ეს მატჩი თასზე გაიმართება გუნდები მაინც ბოლომდე იბრძოლებენ, არა მარტო ჩემპიონობის სურვილისათვის, არამედ პრინციპის გამოც.
რაც შეეხება დარჩენილ სამ მატჩს, ორს ფაქტიურად გამოკვეთილი ფავორიტი ყავს, საუბარია მილანზე და რომაზე, რომლებიც უდინეზესა და კატანიას დაუპირისპირდებიან, მაგრამ იმის გათვალისწინებით, რომ ეს სათასო მატჩებია და საშუალო დონის გუნდებიც საკმაოდ წარმატებულად ასპარეზობდნენ ასეთი სახის ტურნირებზე მეტად საინტერესო თამაშები გველის. წინა ეტაპზე მილანმა ნოვარას სძლია 2:1, ხოლო რომამ ტრიესტინა დაამარცხა 3:1, უდინეზემ 2:0 გაიმარჯვა ლუმეზანესთან, ხოლო "კატანიამ” სტუმრად დაამარცხა ჯენოა (1:2).
ფიორენტინა და ლაციოს დუელში კი გამოკვეთილი ფავორიტი არ არსებობს, ორივე გუნდი თითქმის თანაბარი სიძლიერისაა და მეტად დაძაბული თამაში უნდა იყოს. 1/8 ეტაპზე ფიორემ კიევო დაამარცხა თანაბარ ბრძოლაში (3:2), თავდაპირველად კიევო იგებდა 1:2, მაგრამ საბოლოოდ ფიორენტინას ფეხბურთელებმა თამაში გადაარჩინეს და მომდევნო ეტაპზეც გავიდნენ. რაც შეეხება ლაციოს, რომაელებმა შედარებით ადვილი მატჩი გამართეს, მათ პალერმოს სძლიეს 2:0.
იტალიის თასი – 2009/2010 წლების სეზონი – 1/4 ფინალური მატჩები
მილანი – უდინეზე: სტადიონი სან სირო, თარიღი: 20 იანვარი, 2010
ფიორენტინა – ლაციო: სტადიონი არტემიო ფრანჩი, თარიღი: 21 იანვარი, 2010
რომა – კატანია: სტადიონი ოლიმპიკო, თარიღი: 26 იანვარი, 2010
ინტერი – იუვენტუსი: სტადიონი ჯუზეპე მეაცა, თარიღი: 28 იანვარი, 2010
|
FC.INTERNAZIONALE 
:flagitaly: 
Fc.inter