"ინტერის" ფეხბურთელებმა ანტონიო კასანომ და დეიან სტანკოვიჩმა ტრავმა მოიშუშეს და მზად არიან გუნდს მომდევნო მატჩში დაეხმარონ, იტყობინება La Gazzetta dello Sport.

მოცემული წყაროს ინფორმაციით, ეს ორივე ფეხბურთელი "ნერაძურის" დღევანდელ ვარჯიშზე სრული დატვირთვით ვარჯიშობდნენ.

აღსანიშნავია, რომ 34-წლის სტანკოვიჩს მიმდინარე სეზონში მილანელების მაისური აქილევსის მყესის ტრავმის გამო არცერთ მატჩში არ მოურგია, რაც შეეხება კასანოს, თავდამსხმელმა საკუთარი გუნდის მხოლოდ ორი მატჩი გამოტოვა, ორივე "რომასთან" - სერია ა-სა და იტალიის თასის ეგიდით.

მიმდინარე სეზონში კასანომ "ნერაძურის" მაისური სერია ა-ს 18 მატჩში მოირგო 5 გოლი გაიტანა და 7 საგოლე გადაცემა გააკეთა.

FC.INTERNAZIONALE