მილანის "ინტერის” კაპიტანი ხავიერ ძანეტი ასაკის მიუხედავად, "ნერიაძურის” რიგებში თამაშს მომდევნო სეზონშიც აპირებს.
39-წლის ფეხბურთელს მილანურ კლუბთან კონტრაქტი ზაფხულში ეწურება, თუმცა ძანეტი თავს ჯერ კიდევ მხნედ გრძნობს და ბუცების ლურსმანზე ჩამოკიდებას არ აპირებს.
"ინტერში” კიდევ ერთი სეზონი ვითამაშებ. ყველაფერი უკვე აქეთკენ მიდის.
ეს არ არის ნაჩქარევი გადაწყვეტილება. ეს აზრი ჯერ კიდევ მაშინ მომივიდა, როცა "ინტერმა” ათმატჩიანი წაუგებელი სერია მოაწყო.
საკუთარ თავს ხშირად ვეკითხები, რატომ უნდა დავასრულო კარიერა, როცა ჯერ კიდევ შემიძლია, გუნდს სარგებელი მოვუტანო?” – ლეგენდარული არგენტინელი ფეხბურთელის სიტყვები Football Italia-მ გამოაქვეყნა.
ძანეტი "ინტერის” ღირსებას 1995 წლიდან იცავს. ფეხბურთელმა ამ დროის განმავლობაში "ნერიაძურის” ფორმა 800-ზე მეტჯერ მოირგო.