"ლაციოს” კაპიტანმა ტომაზო როკიმ რომაული კლუბის დატოვება გადაწყვიტა. 35 წლის თავდამსხმელი კარიერას მილანის "ინტერში” გააგრძელებს. "დღეს "ლაციოში” ბოლოჯერ ვივარჯიშე. მილანში მივდივარ, ოღონდ ტრანსფერისთვის წერტილის დასასმელად რამდენიმე ნაკლებადმნიშვნელოვანი დეტალი კიდევ რჩება მოსაგვარებელი. მადლობა ყველას, ვინც რომაულ კლუბში გატარებული წლების განმავლობაში მხარში მედგა. არ გამოვრიცხავ, აქ კიდევ დავბრუნდე” – განაცხადა როკიმ გუშინდელი ვარჯიშის დასრულებისთანავე. ტომაზო როკი "ლაციოს” ღირსებას 2004 წლიდან იცავდა. მიმდინარე სეზონში კი მან კლუბის მაისურა მხოლოდ სამჯერ მოირგო.
|