ჟურნალისტების მოსაზრებებს, თვით – მასიმო მორატი გამოეხმაურა, რომელმაც პრესაში ატეხილ აჟიოტაჟს სრულიად უსაფუძვლო უწოდა. მან აღიარა, რომ ბალოტელისა და გუნდის სხვა წარმომადგენლებს შორის დაპირისპირება მართლაც მოხდა, მაგრამ მარიოს გუნდიდან წასვლის შესახებ მას არაფერი სმენია.
"მე ვერ გეტყვით, მარიო წავა, დარჩება, თუ რას იზამს, მაგრამ ერთი რამის თქმა დანამდვილებით შემიძლია, თუ იგი რაიმეს გადაწყვეტს, მე ეს აუცილებლად მეცოდინება და ამის შესახებ პრესასაც დაუყონებლივ ვაცნობებ.”
"პირადად მე, მარიოს გუნდში დარჩენას მივესალმები, რადგანაც მისი შესაძლებლობები ზედმიწევნით კარგად ვიცი. ასე, რომ თუ რაიმე შეიცვლება, ეს პრესის წარმომადგენლებსაც ეცოდინებათ.”
|