მილანის "ინტერის” ყოფილმა მცველმა მარკო მატერაციმ France Football-თან ინტერვიუში "პარი სენ-ჟერმენის” ფორვარდ ზლატან იბრაჰიმოვიჩის შესახებ ისაუბრა. იტალიელის თქმით, შვედი მოთამაშე თანაგუნდელებს ხშირად შეურაცხყოფას აყენებს. "როდესაც ფეხბურთელს რაღაც არ გამოსდის, თანაგუნდელები გვერდში უნდა დაუდგნენ, მხარდაჭერა გამოუცხადონ და დაეხმარნონ. იბრაჰიმოვიჩთან თავიდან კარგი ურთიერთობა მქონდა, თუმცა შემდეგ ის შეიცვალა. ეჭვგარეშეა, რომ ზლატანი მსოფლიოს მასშტაბით ერთ-ერთი საუკეთესო თავდამსხმელია. ნამდვილი ფენომენია, თუმცა საკმაოდ მძიმე ხასიათი აქვს. იბრაჰიმოვიჩი თავისივე გუნდის მოთამაშეებს გამუდმებით შეურაცხყოფას აყენებს”, – განაცხადა იტალიელმა. შეგახსენებთ, რომ მატერაცი და იბრაჰიმოვიჩი 2006–2009 წლებში თაანგუნდელები იყვნენ, ისინი "ინტერის” ღირსებას იცავდნენ.
|