უესლი სნეიდერთან შეხვედრის შემდეგ, "ინტერის” პრეზიდენტი მასიმო მორატი აცხადებს, რომ ჰოლანდიელი ნახევარმცველი "გალათასარაის” კიდევ უფრო მიუახლოვდა.
დღეს დილით, გავრცელდა ინფორმაცია, თითქოს სნეიდერი, "ინტერში” დარჩენის სანაცვლოდ, ხელფასის შემცირებას დასთანხმდა, მაგრამ მორატიმ განაცხადა, რომ მსგავსი საკითხების გადაეყვეტა უკვე დაგვიანებულია.
მორატისა და სნეიდერს შორის გამართული შეხვედრის შემდეგ, პრესისთვის კომენტარი ორივე მათგანმა გააკეთა.
"ჩვენი შეხვედრა საჭირო იყო. არსებობდა იმის მცირე შანსი, რომ სნეიდერი "ინტერში” დარჩენილიყო. მიუახლოვდა თუ არა იგი "გალათასარაის”? ვფიქრობ, რომ კი.” – ციტირებს მორატის სიტყვებს Sky Italia.
"ინტერი” და მისი გულშემატკივრები მიყვარდა და ახლაც მიყვარს. ჩემთვის, ყველაზე მთავარი ესაა. ამჟამად, მოლაპარაკებებზე ვერაფერს გეტყვით, მაგრამ პრეზიდენტის სიტყვებს სრულად ვეთანხმები.” – ეს უკვე სნეიდერის სიტყვებია.
|