მილანის ინტერის ფორვარდმა დიეგო მილიტომ განაცხადა, რომ კრიზისის მთავარი მიზეზი ჟოზე მოურინიოს წასვლა აღმოჩნდა. არგენტინელი აღიარებს, რომ მას არ ეგონა, თუ პორტუგალიელი ტაქტიკოსის არყოფნა ასეთი შესამჩნევი იქნებოდა: "ჩემთვის არ არის მარტივი მოურინიოზე საუბარი, რადგანაც მე მასთან შესანიშნავი მოგონებები მაკავშირებს, ის წავიდა და ყველაფერი შეიცვალა. ჩვენ ძალიან კარგად ვუგებდით ერთმანეთს. მახსოვს მატჩი კალიარის წინააღმდეგ, ჩვენ ვაგებდით პირველ ნახევარში და შესვენებაზე მოუმ მითხრა, რომ მას სჯეროდა, რომ მე მეორე ნახევარში ორ გოლს გავიტანდი და ასეც მოხდა, ის თამაში კი რა თქმა უნდა მოვიგეთ.
"მოურინიოსთან ერთად ინტერმა მოიგო ყველაფერი, რაც კი შეიძლებოდა, თან ეს ყველაფერი ერთ სეზონში. მისი წასვლა და ახალ მწვრთნელთან შეგუება ჩვენთვის იმაზე უფრო რთული აღმოჩნდა ვიდრე მეგონა."-განაცხადა არგენტინელმა FCInternews.it-თან საუბარში.
მილიტო ინტერში სწორედ ჟოზეს დაჟინებული მოთხოვნის შემდეგ იქნა მოყვანილი. 31-წლის ფორვარდი "ნერიაძურის" ტრიუმფის ერთ-ერთი მთავარი სულისჩამდგმელი იყო. მის ანგარიშზე 51 მატჩში 30 გოლია, რასაკვირველია ამ ბურთებიდან ყველაზე გამორჩეული ჩემპიონთა ლიგის ფინალში შესრულებული დუბლია.
|
FC.INTERNAZIONALE 
Fc.inter