დღეს მარიდში ჩემპიონთა ლიგის 2009-2010 წლების სეზონის ფინალი გაიმართება. ერთმანეთს, როგორც მოგეხსენებათ, მილანის ინტერი და მიუნხენის ბაიერნი დაუპირისპირდებიან. მატჩი ჩვენი დროით 22:45 წთ-ზე დაიწყება. ქართულ ტელესივრცეში ფინალი რა თქმა უნდა გაშუქდება, თუმცა თუ თქვენ უცხოური კომენტატორების მიერ წაყვანილი ფინალის ხილვა გსურთ, ამისთვის შეგიძიათ Live TV გამოიყენოთ და აირჩიოთ სასურველი ტრანსლაცია. ახლა კი რაც შეეხება ფინალს,ორივე გუნდის მწვრთნელს შანსი აქვს წელს მესამე ტიტულის მოგების. ასევე ორივეს გამარჯვების შემთხვევაში შეუძლიათ გახდნენ მესამე მწვრთნელები, რომლებსაც სხვადასხვა გუნდებში ექნებათ ჩემპიონთა ლიგის ტიტული მოგებული. უმრავლესობა ფინალში ინგლისური და ესპანური გრანდების ჯახს ელოდა, თუმცა რითი არიან ნაკლებნი ინტერი და ბაიერნი მათზე? წელს ორივე გუნდმა ურთულესი გზა გამოიარა, იყო მომენტები სადაც გულშემატკივარი მათ წარმატებას მსაჯებს მიაწერდა, თუმცა დღეს ფინალია, ერთ-ერთი მათგანი ლიგის თასს დამსახურებულად აწევს და ევროპული ფეხბურთის ისტორიაში თავის სახელს სამუდამოდ ჩაწერს.
სავარაუდო შემადგენლობები
- ბაიერნი: ბუტი, ვან ბუიტენი, დემიკელისი, ლამი, ბადშტუბერი, შვაინშტაიგერი, ვან ბომელი, ალტინტოპი, რობენი, მიულერი, ოლიჩი
- ინტერი: სეზარი, სამუელი, ლუსიო, მაიკონი, ძანეტი, სტანკოვიჩი, კამბიასო, სნეიდერი, პანდევი, ეტოო, მილიტო
|
FC.INTERNAZIONALE 
Fc.inter