მთავარი » 2013 » აპრილი » 18 » სტრამაჩონი:"30 ივნისს მეტყვის მორატი , დავრჩე თუ არა გუნდში"
15:01
სტრამაჩონი:"30 ივნისს მეტყვის მორატი , დავრჩე თუ არა გუნდში"
"ინტერის" მთავარმა მწვრთნელმა ანდრეა სტრამაჩონიმ, 17 აპრილს იტალიის თასზე "რომასთან" განცდილი მარცხის მიუხედავად, თავისი შეგირდებისადმი თბილი სიტყვები არ დაიშურა.
ნახევარფინალური მატჩი, რომელიც მილანში გაიმართა, სტუმართა გამარჯვებით - 2:3 დასრულდა. ანგარიში "შავ-ლურჯებმა"კი გახსენეს, მაგრამ შემდეგ ზედიზედ სამი გოლი გაუშვეს, სხვაობის შემცირება კი მხოლოდ თამაშის ბოლოსღა შეძლეს. ამ გუნდებს შორის პირველ დაპირისპირებაშიც გამარჯვება რომაელებს დარჩათ (2:1).
"კლუბის პრეზიდენტი მასიმო მორატი 30 ივნისს მეტყვის, დავრჩე თუ არა გუნდში”, – განაცხადა ფეხბურთის 37 წლის სპეციალისტმა.
"ჩემს ბიჭებზე მხოლოდ კარგის თქმა შემიძლია. მოედანზე ყველაფერი დავდეთ, რაც შეგვეძლო.
გუნდი პირველ ტაიმში ბრწყინვალედ მოქმედებდა და უპირატესობის ორ ბურთამდე გაზრდათ შეგვეძლო, მაგრამ მეორე ტაიმში "რომამ" მოუმატა, ჩვენ კი ძალა აღარ გვეყო. დასანანია, რომ გოლი კონტრშეტევაზე მივიღეთ. "რომამ" თავისი შანსის გამოყენება შეძლო. ჩემი მომავალი? არ მსურს საკუთარ თავზე საუბარი და მოდით, თამაშზე ვილაპარაკოთ. მატჩის წინ ალვარესი და ჟუანი დაგვიბრუნდნენ, მაგრამ კამბიასო გამოგავკლდა. "რომამ" ორი მატჩის ჯამში დაიმსახურა ფინალში გასვლა და მეტოქის მისამართით მხოლოდ კომპლიმენტებს ვიტყვი. მადლობელი ვარ გულშემატკივრების, რომლებსაც ესმით ჩვენი მდგომარეობა და ბოლომდე მხარს გვიჭერენ", - აქვეყნებს სტრამაჩონის ნათქვამს Football Italia.
aba ra strama me tqventan varr da shen ar xar gasashvebii gushin rac sheedzlo gunds gaaketa da me kmayofili varr tqven genacvaleet marto pirvel golit masiamovnet magrad
FC.INTERNAZIONALE 
Fc.inter