კრისტიან კივუ

კრისტიან კივუ 1980 წლის 26 ნოემბერს, ქალაქ რეშიტაში (რუმინეთი) დაიბადა. რუმინეთის ნაკრების ახლანდელი კაპიტანი მილანის ინტერის ღირსებას იცავს და ნერაძურის დაცვის ხაზის ერთ–ერთ ლიდერად ითვლება.

26 წლის ფეხბურთელმა კარიერა 1996 წელს ადგილობრივ გუნდში დაიწყო, 1998–99 წლებში ერთ–ერთ საუნივერსიტეტო გუნდში გამოდიოდა, შემდეგ კი დიდი ფეხბურთის დროც დადგა. 1999–2003 წლებში კივუმ აიაქსის შემადგენლობაში 107 მატჩი ჩაატარა და 13 გოლი გაიტანა, მომდევნო ოთხი წელი რომაში გამოდიოდა, 2007–დან კი ინტერის ღირსებას იცავს.

რუმინეთის ნაკრებში კივუ უკვე 11 წელია გამოდის და 74 შეხვედრაში 3 გოლი აქვს გატანილი.

რუმინელ ფეხბურთელს უკვე უამრავი ტიტული აქვს მოგებული, მათ შორის:

ჰოლანდიის ჩემპიონატი: 2001–02, ჰოლანდიის თასი 2001–02, ჰოლანდიის სუპერთასი 2002

სერიაА: 2006-07, 2007–08, 2008–09 და 2009–10. იტალიის თასი: 2009–10, იტალიის სუპერთასი 2008, 2010 და რაც მთავარია, უეფას ჩემპიონთა ლიგის 2009–10 წლების გათამაშება.  საკონტინენტთაშორისო თასი: 2011

კივუ სხვადასხვა დროს რუმინეთის საუკეთესო ფეხბურთელად დასახელდა (2000, 2002, 2009), 2002 წელს კი უეფას მიერ შედგენილ წლის გუნდში მარცხენა მცველის პოზიცია დაიკავა.