მთავარი » 2013»მარტი»4 » აუსილიო: "ანტონიო აღიარებს, რომ შეცდომა დაუშვა"
19:48
აუსილიო: "ანტონიო აღიარებს, რომ შეცდომა დაუშვა"
მილანის "ინტერის" თავდამსხმელმა ანტონიო კასანომ გუნდის მთავარ მწვრთნელთან, ანდრეა სტრამაჩონისთან ჩხუბის გამო თავი დამნაშავედ სცნო. ამის შესახებ ჟურნალისტებს "ინტერის" სპორტულმა დირექტორმა პიერო აუსილიომ უთხრა. ფეხბურთელსა და მწვრთნელს კონფლიქტი 1 მარტს, საღამოს ვარჯიშის შემდეგ მოუვიდათ. ამის გამო კასანოს დიდი ჯარიმა დაეკისრება, თუმცა "ინტერის" დუბლშემადგენლობაში გადაყვანით არ დასჯილა და "ტოტენჰემთან" ევროპალიგის მატჩისთვის ემზადება. "ანტონიო აღიარებს, რომ შეცდომა დაუშვა. ეს ინციდენტი დახურულია და წარსულში დარჩა", - თქვა აუსილიომ. ამ შემთხვევაზე აზრი "ინტერის" მფლობელმა და პრეზიდენტმა მასიმო მორატიმაც გამოთქვა, რომელმაც კასანო მაინცდამაინც არ გააკრიტიკა. "იმ მომენტში ვარჯიშზე არ ვყოფილვარ და ამიტომ ზუსტად გამიჭირდება თქმა, რა მოხდა. მხოლოდ იმას ვიტყვი, რომ ისეთი არტისტისთვის, როგორიც კასანოა, მსგავსი მომენტები დამახასიათებელია და ეს ნორმალურია. როგორ დაისჯება ის? ჯარიმის ოდენობას კლუბის მენეჯმენტი გაარკვევს", - თქვა მორატიმ.
გუნდთან ქონია სერიოუზული საუბარი რაღაც ტაქტიკაზე და თან კასანოს ცოტა წონაში ქონია მომატებული და ეს შენიშვნაც მისცა სტრამამ... კასანოს უთქვია არა რა, მართლა პატარა მაურინიო ხარო... ეს პირველი შემთხვევა არ ყოფილა კასანოს მხრიდან თურმე... სტრამა კი არ უტყდება მაგრამ ყველას გვაქვს ნებისყოფა და როცა სერიოზულად ვსაუბრობთ და ვიღაცა კაიფით გვპასუხობს მაშინ ჩვენი რეაქცია წარმოვიდგინოთ
FC.INTERNAZIONALE 
Fc.inter