FC.INTERNAZIONALE              

იტალიური ჯენოას მარცხენა მცველი, დომენიკო კრიშიტო ნაპოლიში არ გადავა. ამის მიზეზი თავად ფეხბურთელის გადაწყვეტილებაა.
 რამდენიმე დღის წინათ, გენუურმა გუნდმა გაავრცელა ინფორმაცია, რომ ჯენოასა და ნაპოლის შორის შეთანხმება უკვე მიღწეული იყო და კრიშიტოს ნეაპოლში გადასვლას მხოლოდ ფეხბურთელთან მოლაპარაკებაღა აკლდა. დღეს, ნაპოლის პრეზიდენტმა, აურელიო დე ლაურენტისმა განაცხადა, რომ კრიშიტომ მის გუნდში გადასვლაზე უარი თქვა და შესაბამისად, ტრანსფერიც ჩაიშალა.
 გავრცელებული ინფორმაციის თანახმად, კრიშიტომ ნაპოლის უარი იმის გამო უთხა, რომ მას მილანის ინტერში გადასვლის იმედი აქვს. სავარაუდოდ, "ჯენოას” ყოფილი დამრიგებელი, ჯანპიერო გასპერინი, უახლოეს მომავალში, მილანურ გუნდს ჩაიბარებს და თუ მართლაც ასე მოხდა, იგი კრიშიტოს თან იახლებს.