ზლატან იბრაჰიმოვიჩი – მილანის ინტერის ნამდვილი გულშემატკივრები გააცნობიერებენ, რომ მე ეს გუნდისთვის გავაკეთე. ინტერში ვერ მოვიგე ჩემპიონთა ლიგა, ხოლო სკუდეტო უკვე 3-ჯერ მქონდა მოგებული, ახლა კი ლიგის მოგებისთვის ვიბრძოლებ. თანაც ნერიაძურიმ ჩემს სანაცვლოდ ხო მსოფლიოს ერთ-ერთი საუკეთესო ფორვარდი სამუელ ეტო'ო და 46 მილიონი ევრო მიიღო, რაც ძალიან დიდი დამატებაა", - განაცხადა იბრაჰიმოვიჩმა.
როგორც მოგეხსენებათ გასულ ზაფხულს ზლატანი "ინტერიდან" "ბარსელონაში" გადაბარგდა, მილანურმა კლუბმა კი მის სანაცვლოს სამუელ ეტო'ო და 46 მილიონი ევრო მიიღო. ასევე შეგახსენებთ იმასაც, რომ "ბარსელონა"და "ინტერი"ჩემპიონთა ლიგაზე ერთ" ჯგუფში მოხვდნენ და შესაბამისად იბრაჰიმოვიჩს "სან-სიროზე" თამაში ისევ მოუწევს, ოღონდ ახლა ასულგრანას მაისურით.
|