ლეონარდოს კარიერა "ინტერში” დასასრულს უახლოვდება, რადგან, როგორც ფრანგული გამომცემლობა "L'Equipe” იტყობინება, უახლოესი 48 საათის განმავლობაში ბრაზილიელი "პსჟ”–ს სპორტული დირექტორი გახდება.

სამშაბათს წყაროებმა გაავრცელეს ინფორმაცია, რომ "ნერაძურის” პრეზიდენტი მასიმო მორატი უკვე მოელაპარაკა ჩილეს ნაკრების თავკაცს–მარსელო ბიელსას, რომელიც ლეონარდოს შეცვლის და 2011–12 წწ. სეზონში "ინტერს” უხელმძღვანელებს.

ამჟამად ლეონარდო მშობლიურ ქვეყანაშია დასასვენებლად, თუმცა, მოლაპარაკებები მასსა და "პსჟ”–ს შორის მოსალოდნელია, რომ ამ დღეებში დასრულდება.
ყატარელ ინვესტორებს განზრახული აქვთ,რომ დედაქალაქურ გუნდს ძველი დიდება დაუბრუნონ და მყარი ადგილი დაიკავონ საფეხბურთი სამყაროში.მათ სჯერათ, რომ ლეონარდო გუნდისთვის სასარგებლო ფიგურა იქნება და მათ ტრანსფერების განხორციელებაშიც დაეხმარება.

შეგახსენებთ, რომ 41 წლის ბრაზილიელი 1996–97 წწ. "პსჟ”–ში ასპარეზობდა, სადაც ის დღემდეც კარგად ახსოვთ.ლეონარდო ფრანგული კლუბის სპორტული დირექტორი გახდება და მის მთავარ მწვრთნელს ანტუან კაბუარესაც დიდ დახმარებას გაუწევს.

FC.INTERNAZIONALE