FC.INTERNAZIONALE              

ფეხბურთის ისტორიაში ერთ-ერთ საუკეთესო თავდამსხმელს, ლუის ნაზარიო დე ლიმა რონალდოს ბრაზილიის ეროვნული ნაკრებიდან 7 ივნისს, რუმინეთთან გასამართ ამხანაგურ შეხვედრაში გააცილებენ.
ბრაზილიის ფეხბურთის ფედერაციამ, ამხანაგური თამაში სპეციალურად რონალდოს საპატივცემულოდ დანიშნა. შეხვედრა სან პაულუს შტატში, "პაკაემბუს” სტადიონზე გაიმართება. სწორედ ამ სტადიონზე გაიმართა კიდევ ერთი ბრაზილიელი ლეგენდის, რომარიოს გამოსამშვიდობებელი მატჩი.
რონალდოს ბრაზილიის ნაკრებში მსოფლიოს 2006 წლის ჩემპიონატის შემდეგ არ უთამაშია. ქვეყნის პირველ გუნდში ჩატარებულ 97 მატჩში, მას 62 გოლი აქვს გატანილი.

ინტერმა ზაფხულისთვის სატრანსფერო მიზნები დასახა. ინტერნეტ-გამოცემა Tutto Mercato Web-ის მტკიცებით, სეზონის დასრულების შემდეგ, მასიმო მორატი "ნაპოლის" ლიდერის, მარეკ ჰამშიკის შეძენას ეცდება. 23 წლის სლოვაკი ნახევარმცველი, რომელსაც ნეაპოლელებთან კონტრაქტი 2015 წლამდე აქვს გაფორმებული, დაახლოებით 25 მილიონი ევრო ღირს. არ არის გამორიცხული, რომ ნერაძურიმ გარიგებაში თავისი რომელიმე ფეხბურთელი ჩართოს.
აღსანიშნავია, რომ ინტერი ერთადერთი არაა, ვისაც ჰამშიკის ხელში ჩაგდება სურს. სლოვაკ ნახევარმცველზე, რომელიც "ნაპოლიში" 2007 წლის ზაფხულიდან თამაშობს (150 მატჩში 44 გოლი), პრეტენზიას "მანჩესტერ იუნაიტედი" და "ბარსელონაც" აცხადებენ, თუმცა, "ინტერს" კონკურენტებ ... კითხვის გაგრძელება »

ნერაძურის კიდევ ერთი სამიზნე ფეიენოორდის ახალგაზრდა ჰოლანდიელი თავდამსხმელი ლუკ კასტაინიოსია. 18 წლის ფორვარდს, რომელსაც მამა ფრანგი ჰყავს, თამაშის სტილით ხშირად ადარებენ ტიერი ანრის და დიდ მომავალსაც უწინასწარმეტყველებენ.

გავრცელებული ინფორმაციით, გუნდები ტრანსფერზე უკვე შეთანხმდნენ. იტალიური პრესის ინფორმაციით, "ფეიენოორდი" კასტაინიოსის სანაცვლოდ 4 მილიონ ევროს მიიღებს. ამასთან, კონტრაქტში გათვალისწინებული იქნება ბონუსებიც, რის შედეგადაც ფეხბურთელის სატრანსფერო ღირებულება შესაძლოა 6 მილიონამდე გაიზარდოს. თვითონ თავდამსხმელთან კი, 4-წლიანი ხელშეკრულება გაფორმდება.