მილანის ინტერის მარჯვენა მცველის, მაიკონის მადრიდის რეალში შესაძლო გადასვლის საკითხი კვლავ აქტუალურია და ეს მიუხედავად იმისა, რომ ბრაზილიელი ფეხბურთელის აგენტმა და იტალიური კლუბის პრეზიდენტმა მისი ნერაძურიში დარჩენის შესახებ გააკეთეს განცხადება.
მაიკონსა და რეალს ესპანური თუ იტალიური პრესა ერთმანეთს უკვე დიდი ხანია უკავშირებენ. არაერთხელ გავრცელებულა ურთიერთგამომრიცხავი განცხადებები. დღეს თავად ფეხბურთელმაც გააკეთა კომენტარი და მართალია, ნათელი ბევრი არაფრისთვის მოუფენია, მაგრამ მისი სიტყვებიდან ირკვევა, რომ "რეალში” გადასვლა გამორიცხული სულაც არაა.
ინტერში ბედნიერი ვარ. რაც შეეხება რეალში გადასვლას, ამ საკითხზე კოპა ამერიკის დასრულების შემდეგ ვისაუბროთ. ამჟამად, ჩემი უმთავრესი საფიქრალი და სურვილი სამხრეთ ამერიკის ჩემპიონატის მოგებაა – ციტირებს მაიკონის სიტყვებს Corriere dello Sport-ი.
|
FC.INTERNAZIONALE 
Fc.inter