მილანის ინტერის მცველი ანდრეა რანოკია თვლის, რომ მოახლოებული მადონინა იქნება გადამწყევტი ფაქტორი სკუდეტოსთვის ბრძოლაში. მეზობლებს ერთმანეთისგან 5 ქულა აშორებთ და მიუხედავად იმისა, რომ დერბიმდე კიდევ თითქმის ერთი თვეა, ორივე გუნდის ფეხბურთელები უკვე ემზადებიან ამ დიდი მატჩისთვის.
Rai Sport-თან საუბარში იტალიის ნაკრების მცველმა შემდეგი განაცხადა: "რა თქმა უნდა ჩვენ არ ვნებდებით. მადონინამდე დიდი დროა, მაგრამ რამხელაც არ უნდა იყოს ეს მონაკვეთი და რამხელაც არ უნდა იყოს ინტერსა და მილანს შორის სხვაობა, დერბი მაინც ყველაფერს გადაწყვეტს.
ორივე გუნდი შესანიშნავ ფორმაში იმყოფება, რაც შედეგებზეც ისახება. წინ დიდი ბრძოლა გველის, რომლისთვისაც უკვე ახლა ვემზადები. ეს ჩემი პირველი მილანური დერბია და ბუნებრივია, რომ ძალიან ვნერვიულობ."-განაცხადა რანოკიამ.
ნერიაძურის უკანასკნელი მეტოქე კახა კალაძის ჯენოა იყო, რომელსაც იტალიისა და ევროპის ჩემპიონმა შავი დღე აყარა. ინტერმა მეტოქე 5:2 დაამარცხა. ახალგაზრდა მცველმა ამ მატჩზეც ისაუბრა: "საშინელი პირველი ნახევრის შემდეგ ჩვენ გამოვცოცხლდით და თამაშიც წაგვივიდა. იმედი მაქვს სეზონის დასრულებამდე კიდევ ვიზეიმებთ ასეთ შთამბეჭდავ გამარჯვებებს.
|
FC.INTERNAZIONALE 
Fc.inter