მილანის "ინტერის" შემტევი ნახევარმცველი ფრედი გუარინი თანამედროვე ფეხბურთში ნამდვილად გამორჩეული მოთამაშეა. ბევრი მოელოდა, რომ ნერიაძურიში ის უფრო მეტად გამოაჩენდა თავის შემოქმედებით ტალანტს, მაგრამ მძიმე ტრავმამ საშუალება არ მისცა ეს გაეკეთებინა, თუმცა როდესაც კი მოედანზე იყო, უხშირესად აშკარად საუკეთესო გახლდათ. მისი შესაძლებლობებისა ბევრი გუნდის ხელმძღვანელს სწამს და სწორედ ამიტომ მიმდინარე სატრანსფერო პერიოდში მილანელებს ვინ აღარ მიმართავს წინადადებით. "ნაპოლი" გუარინში ინლერს უცვლის და ზედ ფულს ამატებს, ხოლო "იუვენტუსს" 20 მილიონი ევრო შეუთავაზებია. ამ დღეებში კი "ტოტენჰემი" აპირებს ბევრად უკეთესი წინადადება მიაწოდოს "ინტერს". ნერიაძურის პრეზიდენტი მასიმო მორატი აქამდე კოლუმბიელის გასხვისების შესაძლებლობას გამორიცხავდა, მაგრამ ახლა ხმას არ იღებს, თავისი პოზიცია არც ახალ მთავარ მწვრთნელს ვალტერ მაცარის დაუფიქსირებია, ხოლო თავად გუარინი ისედაც არაფერს ამბობდა და რა გასაკვირია, ჟურნალისტებმა მის შესაძლო ტრანსფერზე ხმაც ვერ ამოაღებინეს.

FC.INTERNAZIONALE