იტალიის ფინანსურმა პოლიციამ 41 კლუბის ოფისებში ჩხრეკა ჩატარა და აღმოაჩინა დოკუმენტები, რომლებიც შესაძლოა, ფინანსურ ოპერაციებთან იყოს დაკავშირებული. აღნიშნული დოკუმენტები პოლიციის მიერ ჩამორთმეულ იქნა.
კლუბების ხელმძღვანელები, როგორც წინასწარი ვერსიით დადგინდა, გადასახადებისგან თავს არიდებასა და ფულის მიტაცებაში არიან ეჭვმიტანილნი.
ამ თემასთან დაკავშირებით, მიმდინარეობს კლუბებს შორის არსებული სატრანსფერო შეთანხმებების, აგრეთვე, ფეხბურთელებისა და აგენტების კონტრაქტების კვლევა.
როგორც "როიტერი” იუწყება, სკანდალში სერია A-ს 18, სერია B-ს 11 და, აგრეთვე, დაბალი დივიზიონის 12 კლუბია გახვეული. გარდა ამისა, მიმდინარეობს 12 აგენტის ოფისების ჩხრეკა.
|