იტალიის ფეხბურთის ფედერაციის სადისციპლინო კომიტეტმა, "ნაპოლის” ჩაწყობილი თამაშის ორგანიზებასთან დაკავშირებული ინფორმაციის დამალვისთვის სერია A-ს მიმდინარე გათამაშების სატურნირო ცხრილში 2 ქულა ჩამოაწერა. საქმე ეხება 2010 წელს "სამპდორიასთან” გამართულ მატჩს. "ნაპოლის” ყოფილი მეკარე მატეო ჯანელოს ჩვენებიდან ირკვევა, რომ მან პაოლო კანავაროს და ჯანლუკა გრავას სასურველი შედეგის დასაფიქსირებლად ფული შესთავაზა. La Gazzetta dello Sport-ის ცნობით, კანავარომ და გრავამ, რომლებმაც შეთავაზებულ წინადადებაზე უარი განაცხადეს, ექვსთვიანი დისკვალიფიკაცია იმის გამო მიიღეს, რომ აღნიშნული ინფორმაცია ფეხბურთის ფედერაციას არ მიაწოდეს. აღსანიშნავია, რომ თავად დასჯილები ჯანელოს სიტყვებს არ ეთანხმებიან და მსგავსი შეთავაზების არსებობას კატეგორიულად უარყოფენ. გეტყვით იმასაც, რომ თავად მეკარეს ფეხბურთის თამაში 3 წლით და 3 თვით აქვს აკრძალული.
FC.INTERNAZIONALE 
Fc.inter