მოგეხსენებათ, სამეფო კლუბი მარჯვენა მცველის ძიებაში გახლავთ. ჟოზე მოურინიო რამდენიმე ვარიანტს განიხილავს, მაგრამ ბრაზილიელი მაიკონის კანდიდატურა კვლავაც აქტიურია. მოუ დუგლასს ყოველთვის ძალიან დიდ პატივს სცემდა...
ინტერის მცველი უკვე ასაკშია, აქედან გამომდინარე მისი ფასი ნელ-ნელა დაბლა იწევს.იტალიური გუნდი საკუთარ ვარსკვლავს იოლად არ შეელვა, რადგან დუგლასი ნამდვილად მსოფლიოს ერთ-ერთ საუკეთესო მარჯვენა მცველად ითვლება, მაგრამ ასაკი ყველგან და ყოველთვის "თავისას შვება".
გავრცელებული ინფორმაციით, მადრიდული გუნდის ადმინისტრაცია მაიკონის სანაცვლოდ 8 მილიონ ევროს გაიმეტებს, კონტრაქტის დანარჩენ პირობებზე კი თავად ფეხბურთელს მოელაპარაკება. ჟოზე მოურინიოს ბრაზილიელი მცველი ყოველთვის ესიმპატიურებოდა, აქედან გამომდინარე ნათელია, რომ იგი დუგლასს ტყუილად არ დაიმატებს და ძირითად შემადგენლობას არ ჩამოაშორებს.
რამდენად რეალური იქნება ინტერის მოთამაშის ტრანსფერი, ამას დრო გვიჩვენებს, მაგრამ სამეფო კლუბი მხოლოდ მისი მიმართულებით არ მუშაობს, გუნდი რამდენიმე კანდიდატს განიხილავს.
FC.INTERNAZIONALE 
Fc.inter