მსოფლიოს ორგზის (1994, 2002) ჩემპიონმა, ფიფას ვერსიით პლანეტის სამგზის (1996, 1997, 2002) საუკეთესო ფეხბურთელმა, ოქროს ბურთისა (1998) და ოქროს ბუცის (1996-97) მფლობელმა,ლუის ნაზარიო დე ლიმა რონალდომ, კარიერის დასრულების შესახებ განაცხადა. აღარ შემიძლია კარიერის გაგრძელება. მინდა ფეხბურთის თამაში, მაგრამ მეტი აღარ შემიძლია. ვფიქრობ თამაშზე, მაგრამ მინდორზე ისე მოქმედება აღარ ძალმიძს, როგორც საჭიროა. დამთავრების დრო მოვიდა. ვთამაშობ და სხეული ტკივილს მაყენებს - გონებას უნდა თამაში გააგრძელოს, მაგრამ სხეულს აღარ შეუძლია - მოჰყავს ფეხბურთელის სიტყვები AFP-ს. შეგახსენებთ, რომ კარიერის ბოლო 3 სეზონი კიჭამ სამშობლოში, ბრაზილიურ "კორინთიანსში” გაატარა (31 მატჩში 18 გოლი). 34 წლის ფეხბურთელის კარიერის შედარებით ადრეული დასრულების მიზეზად, მრავალრიცხოვანი ტრავმები, განსაკუთრებით კი დაზიანებული ჯვარედინი იოგები სახელდება.
გთავაზობთ ცნობილი ფეხბურთელების კომენტარებს ამ ფაქტის შესახებ.
რიო ფერდინანდი: რონალდო ფეხბურთიდან წავიდა… ის ერთ-ერთი საუკეთესოა, ვისაც კი ოდესმე ეს თამაში უთამაშია. მხოლოდ ტრავმებმა შეუშალა გამხდარიყო საუკეთესო”. ფანების ნათქვამზე, რომლის მიხედვითაც, რონალდო ბოლო პერიოდში კრიშტიანუ რონალდუს ჩრდილქვეშ მოექცა, ფერდინანდი ამბობს: "რას ამბობთ?! რონალდომ მოიგო მსოფლიოს ჩემპიონატი და გახდა საუკეთესო ბომბარდირი!”
ჯეი ბოტროიდი: სამწუხარო ამბავია. კარიერა დაასრულა ჩემმა გმირმა. ისტორიაში ის საუკეთესო იყო. რონალდოს ჰქონდა ყველაფერი: დარტყმა, პასი, ძალა, საოცარი ოსტატობა. მოკლედ, სრულყოფილი იყო!
რივალდო: მე მქონდა დიდი პრივილეგია – მე ვთამაშობდი მასთან ერთად. რონალდო – ერთ-ერთი საუკეთესოა მათგან, ვისაც ოდესმე ფეხბურთი უთამაშია. მადლობ, რონალდო! ღმერთს ჯანმრთელობაში გადაეხადოს!
ბეტაო: სანამ თვითონ არ გავიგებ რომ რონი წავიდა, მანამდე კომენტარს არ გავაკეთებ.
დუგლას კოსტა: ყველაზე დიდი ფენომენი… ახლა თითქოს მსოფლიოში ბურთი გაჩერდა.
ჟულიანო ბელეტი: რონალდო ფეხბურთიდან წავიდა. რამდენი სიხარული მოგვიტანა?! მან მოგვცა სიამაყე, ფეხბურთის ხელოვნება დასრულდა. გმირი, ფენომენი, ყველა დროის საუკეთესო ბომბარდირი…
ჟილბერტო სილვა: რონალდომ დღეს ფეხბურთიდან წასვლის შესახებ გვამცნო. ამ მომენტში საფეხბურთო სამყარო ძალიან ბევრს კარგავს. მადლობა ყველაფრისთვის და ღმერთმა დაგლოცოს.
სამირ ნასრი: ბიჭებო, დღეს ლეგენდის კარიერა დასრულდა. ჩემთვის რონალდო ყველა დროის საუკეთესო თავდამსხმელია. სისწრაფე, ტექნიკა, თამაში ერთი ერთზე – მოთამაშის ოცნებაა. ყველაფრისთვის, რაც კი გაგიკეთებია, მადლობას გიხდი, ფენომენო რონალდო!
და კიდევ, გვინდა შეგახსენოთ 21 წლის რონალდოს კომენტარი არქივიდან: არ მინდა ისე დამიმახსოვრონ, როგორც ერთი რიგითი ფეხბურთელი. მინდა ჩავეწერო ისტორიაში. მოკლედ რომ ვთქვათ, რონალდომ მიზანს მიაღწია, ის სამუდამოდ დარჩება ფეხბურთის ისტორიაში.
რონადლო: არ მინდა ისე დამიმახსოვრონ, როგორც ერთი რიგითი ფეხბურთელი. მინდა ჩავეწერო ისტორიაში.შენ ეს მოახერხე "კიჭა" ერთი სიტყვით "ფენომენი" მოკვდა ბაზარი!!!
ara dzmebo es fexburteli ar yofila fexburtelebi iyvnen anri indzagi bodishit am sisasizgres rom vaxseneb danarcheni rigiti motamasheebi es iyo saocreba saocrebata shoris RONALDO da vsio metis tqmis da komentaris ufleba me agar maqvs ubralod legenda meti araferi
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ]
FC.INTERNAZIONALE 
Fc.inter