"კალჩომერკატოს" ჟურნალისტთან ჩაწერილ ინტერვიუში, "ინტერის" ყოფილმა მცველმა დავიდე სანტონმა, რომელიც ახლა ინგლისური "ნიუკასლის" ღირსებას იცავს, ლომბარდულ გრანდში დაბრუნება კატეგორიულად გამორიცხა.
- რატომ ტოვებენ კალჩოს ბალოტელის, თქვენი და ვერატისნაირი ნიჭიერი იტალიელი ფეხბურთელები?
- პასუხი ძალიან მარტივია - იტალიაში ნიჭიერ ახალგაზრდა ფეხბურთელებს სათანადოდ არ აფასებენ.
- "ინტერი" ამის გამო დატოვეთ?
- მილანიდან იმიტომ ავიბარგე, რომ მუდმივი სათამაშო პრაქტიკა მჭირდებოდა. მოსვლის დღიდან რაფაელ ბენიტესმა ამითვალწუნა და ძირითად შემადგენლობას ვინ ჩივის განაცხადსაც კი არ მაკარებდა. შესაძლოა, რომ დავრჩენილიყავი და მოთმინება გამომეჩინა, ჩემი დროც დამდგარიყო, მაგრამ ამდენს ვერ მოვითმენდი. მიღებულ გადაწყვეტილებას არ ვნანობ, "ნიუკასლში" ყველაფერი მაკმაყოფილებს და ერთადერთი, რის გამოც დისკომფორტი მექმნება, ეს ინგლისური საჭმელებია. მალე ჩემთან საცხოვრებლად შეყვარებული ჩამოვა და იგი იტალიურ კერძებს არ მომაკლებს.
- არადა, ნერიაძურის ტიფოზებს ძალიან უყვარხართ...
ვიცი და მათ მხარდაჭერას ყოველთვის ვაფასებდი, მაგრამ ოდესმე ჩემი "ინტერში" დაბუნება გამორიცხულია.
- "ინტერში" ასპარეზობისას, სალი მუნტარი და ლუსიო ამ კლუბს სიყვარულს ეფიცებოდნენ, თუმცა როგორც კი ნავთსაყუდელი გამოივცალეს, მაშინვე ანტიინტერისტებად იქცნენ...
- მუნტარი და ლუსიო ცუდი ადამიანები ნამდვილად არ არიან და თუ მართლაც გააკეთეს "ინტერის" საწინააღმდეგო განცხადებები, ალბათ საამისო მიზეზიც ჰქონდათ.
- რომ შემოგთავაზონ "მილანში" ითამაშებ?
- გაგიკვირდებათ და ბავსვობაში როსონერის ქომაგი ვიყავი,მაგრამ სანამ ამ გუნდის წინადადებას მივიღებ, სერიოზული დაფიქრება მმართებს, რადგან გარკვეული პერიოდი "ინტერში"მაქვს გატარებული.
| 
FC.INTERNAZIONALE 
Fc.inter