იტალიურ ფეხბურთში, გარიგებული მატჩების გამოძიება და
გუნდებისა თუ ფეხბურთელების დასჯა უკვე ჩვეულებრივ ამბად
ივლება. ამჯერად, სასჯელი "ნაპოლის" ემუქრება, რომელსაც,
შესაძლოა, 2 ქულა ჩამოაკლონ.
საქმე ეხება 2010 წელს მომხდარ შემთხვევას, როდესაც "ნაპოლის"
მე-3 მეკარე, მატეო ჯანელო თანაგუნდელებს "სამპდორიასთან"
გასამართი მატჩის ანგარიშზე წინასწარ შეთანხმებას სთავაზობდა.
მიუხედავად იმისა, რომ ის თამაში ნეაპოლელთათვის არაფერს
წყვეტდა, პაოლო კანავარომ და ჯანლუკა გრავამ შეთავაზება უარყვეს.
ჯანელოს უარით გასტუმრების მიუხედავად, კანავაროსა და გრავას
წინააღმდეგ საქმე მაინცაა აღძრული. საქმე ისაა, რომ შექმნილ
ვითარებაში, ფეხბურთელები ვალდებულნი იყვნენ ინფორმაცია
შესაბამისი ორგანოებისთვის მიეწოდებინათ.
La Gazzetta dello Sport-ის ცნობით, "ნაპოლის" 2 გზა აქვს - ან
ფეხბურთელების ბრალი აღიაროს და ერთი ქულით დაჯარიმდეს,
ან არ აღიაროს და ბრალის დამტკიცების შემთხვევაში, ორ ქულას შეელიოს.
ამჟამად, "ნაპოლი" სერია A-ში მე-2 ადგილზე იმყოფება და ლიდერ
"იუვენტუსს" 2 ქულით ჩამორჩება.
FC.INTERNAZIONALE 
Fc.inter