მილანის "ინტერის" პრეზიდენტმა მასიმო მორატიმ კომენტარი გააკეთა იტალიის საფინანსო პოლიციის მიერ 41 საფეხბურთო კლუბის ოფისში ჩატარებული ჩხრეკის შესახებ. დონ მასიმომ ბრძანა, რომ სხვაგან რა მოხდა არ იცის, მათთან კი არავითარი ნიღბიანებისა და შეიარაღებული პოლიციელების შეჭრა არ მომხდარა. როგორც წესი და რიგია, ისე მოსულან და გარკვეული დოკუმენტები მოითხოვეს, რაც გადავეცით და ამას ჩვენთვის არავითარი უხერხულობა არ შეუქმნია და საერთოდაც, მშვიდად ვართ, რადგან უკანონოს არაფერს ჩავდიოდით და თუ რამ გადაცდომას გვიპოვნიან, მასაც უპრობლემოდ გამოვასწორებთო. ამასობაში გამოჟონა ცნობამ, რომ სამართალდამცავები ორი საფეხბურთო აგენტის, "იუვენტუსის" ყოფილი გენერალური დირექტორის, ფეხბურთში სამუდამოდ მუშაობააკრძალული ლუჩანო მოჯის ვაჟის, ალესანდრო მოჯისა და ალეხანდრო მაცონის მიერ განხორციელებული ტრანსფერების კანონებთან შესაბამისობას სწავლობენ, თუმცა ვიმეორებთ, ეს დაუზუსტებელი ინფორმაციაა.

FC.INTERNAZIONALE