მილანის ინტერის კარის დარაჯმა, ჟულიო სეზარმა ჩემპიონთა ლიგის 1/4-ფინალში გასვლის შემდეგ, "ბაიერნთან” გამართულ მატჩში დაშვებულ შეცდომაზე ისაუბრა და განაცხადა, რომ გოლის გაშვების შემდეგ, მას მოედნის დატოვება და იტალიაში დაბრუნება სურდა.
"დაშვებული შეცდომის გამო, თავი ძალიან ცუდად ვიგრძენი. გოლის გაშვების შემდეგ, მინდოდა მოედანი დაუყოვნებლივ დამეტოვებინა და მილანში დავბრუნებულიყავი, თუნდაც ფეხით, ცხენით, ან სხვა საშუალებით. მადლობას ვუხდი თანაგუნდელებს, ისინი დამეხმარნენ ამ რთული მომენტის გადატანაში” – ციტირებს სეზარის სიტყვებს Football Italia. 
ბრაზილიელი კიპერი მის მიერ პირველ და განმეორებით შეხვედრებში დაშვებულ შეცდომებს ერთმანეთს ადარებს: "რა თქმა უნდა, მიუნხენში დაშვებული შეცდომა პირველ მატჩში დაშვებულს ჰგავდა, მაგრამ საბედნიეროდ, ამჯერად ყველაფერი კარგად დასრულდა. იმედი მაქვს, მიმდინარე სეზონში შეცდომას მეტჯერ აღარ დავუშვებ .
|
FC.INTERNAZIONALE 
Fc.inter