მილანის "ინტერის” მთავარმა მწვრთნელმა ჯან პიერო გასპერინიმ კლუბის ოფიციალურ საიტთან საუბარში განაცხადა, რომ მისი გადადგომა "ნერაძურის” პრობლემებს ვერ მოაგვარებს.

"პრეზიდენტთან ჯერჯერობით არ მისაუბრია. მუშაობა უნდა გავაგრძელოთ. მიმაჩნია, რომ "ინტერმა” წარსულით არ უნდა იცხოვროს და მომავალზე უნდა იფიქროს. განსაკუთრებული ცვლილებების აუცილებლობას ვერ ვხედავ. გუნდი უფრო სტაბილური უნდა გახდეს”, - განაცხადა გასპერინიმ.

ცნობისთვის, "ინტერს” 2011-12 წლების სეზონში არცერთი მატჩი არ მოუგია. მილანელებმა ბოლო მარცხი "ნოვარასთან” გუშინდელ შეხვედრაში განიცადეს (1:3). მატჩის შემდეგ, "ნერაძურის” პრეზიდენტმა მასიმო მორატიმ განაცხადა, რომ მთავარი მწვრთნელის გადაყენებასთან დაკავშირებით, გადაწყვეტილებას უახლოეს მომავალში მიიღებს.

FC.INTERNAZIONALE