ერნან კრესპომ განაცხადა, რომ სეზონის ბოლოს კლუბის შეცვლას გეგმავს.36 წლის თავდამსხმელის თქმით, მას ფეხბურთის თამაში კვლავ სურს, მაგრამ სხვა დონეზე.

შეგახსენებთ, რომ არგენტინელისთვის პარმა პირველი იტალიური კლუბი იყო რივერ პლეიტიდან გადასვლის მერე. შემდეგ ის ლაციოში, ინტერში, ჩელსიში, მილანში და ჯენოაში გამოდიოდა. წინა წლის იანვარში ფეხბურთელი პარმაში დაბრუნდა. მიმდინარე სეზონში კრესპომ მხოლოდ ორ შეხვედრაში მიიღო მონაწილეობა, ისიც შეცვლაზე.

90 პროცენტით დარწმუნებული ვარ, რომ ეს სეზონი იტალიაში ჩემთვის ბოლო იქნება. სხვა გამოცდილება მჭირდება. ფეხბურთის თამაშის სურვილი ისევ მაქვს, თუმცა სხვა დონეზე. მინდა თამაში აზიაში ან ამერიკაში ვცადო. რატომაც არა. მზად ვარ ახალი თავგადასავლებისთვის, - განაცხადა კრესპომ.

FC.INTERNAZIONALE