მილანის "ინტერის” მცველის, კრისტიან კივუს, აგენტმა, იოან ბეკალიმ, რუმინელი მცველის სამომავლო გეგმებზე ისაუბრა. მისი თქმით, კივუს მადრიდის "რეალში” სურს კარიერის გაგრძელება.

"აიაქსი? – მე შემიძლია გითხრათ, რომ კრისტიანი კარიერას ევროპაში გააგრძელებს, მაგრამ რომელ კლუბში, ეს ჯერ უცნობია. შესაძლოა, მისი მომავალი გუნდი მადრიდის "რეალი” იყოს. კივუს გადაბირებას რამოდენიმე ევროპული გრანდი ცდილობს. ვფიქრობ, კრისტიანი 5 წლის განმავლობაში კიდევ შეძლებს მაღალ დონეზე თამაშს.”

"რაც შეეხება მადრიდის "რეალს” – ჟოზე მოურინიო კარგად იცნობს კივუს, იცის მისი შესაძლებლობები და ამიტომ, კრისტიანის გადაბირების ყველაზე დიდი შანსი სწორედ ესპანელებს აქვთ. გარდა ამისა, თვითონ ფეხბურთელსაც სურს სამეფო კლუბში, ნაცნობი მწვრთნელის გვერდით თამაში.” – ციტირებს ბეკალის სიტყვებს ESPN.

FC.INTERNAZIONALE