მილანის "ინტერის" 27 წლის შემტევმა ნახევარმცველმა ვესლი სნეიდერმა მისი მახაჩყალის "ანჟიში" შესაძლო გადასვლის შესახებ იტალიურ პრესაში გავრცელებულ ინფორმაციაზე კომენტარი გააკეთა.

"წინადადება სატრანსფერო ფანჯრის ბოლო დღეს რომ მომსვლოდა, შესაძლოა, "ინტერი" ზამთარშივე დამეტოვებინა.

"ინტერში" ბედნიერი ვარ, მაგრამ არ ვიცი, მომავალ სეზონს ამ გუნდში დავიწყებ თუ არა", - თქვა სნეიდერმა.

სხვათა შორის, იტალიური მედია იტყობინება, რომ "ანჟიმ" მოთამაშის სანაცვლოდ მილანელებს 25 მილიონი ევრო შესთავაზა. თავად ფეხბურთელს წელიწადში 8 მილიონ ევროს სთავაზობდნენ.

სნეიდერის შეძენის მსურველი "მანჩესტერ იუნაიტედი" და "მანჩესტერ სიტიცაა".

FC.INTERNAZIONALE