თურქეთის ერთ-ერთ ბობოლა კლუბს,ფენერბახჩეს ბრაზილიელი ფორვარდის, ადრიანოს შეძენა სურს. თურქული fanatik-ის ცნობით, ფენერბახჩე მზადაა, 6 მილიონი ევრო გადაიხადოს ჭირვეულ ვარსკვლავში. მაგრამ ტრანსფერი მაშინ უფრო გახდება რეალური, თუ სტამბოლელები ესპანელ დანიელ გუიზას გაჰყიდიან. ადრიანო ლეიტე რიბეირო ამჟამად სამშობლოში, ფლამენგოში თამაშობს და ამ სეზონში 28 მატჩში 19 გოლიც გაიტანა. სკანდალური კარიერის მქონე ბრაზილიელი ერთი პერიოდი კარიერის დასრულებაზეც ფიქრობდა, არადა, ჯერ მხოლოდ 27 წლისაა. ადრიანოს კარიერაში საუკეთესო პერიოდი 2004-2006 წლებში ჰქონდა, როდესაც ინტერისა და ბრაზილიის ნაკრების ლამის არცერთ მატჩს უგოლოდ არ ტოვებდა. სელესაოში ადრიანოს 47 შეხვედრა ჩაუტარებია და 27 გოლი გაუტანია.
|