ფლამენგოს ფორვარდი ადრიანო ახლახან დასრულებული ბრაზილიის ჩემპიონატის საუკეთესო ფეხბურთელად აღიარეს.
ამის შესახებ ბრაზილიური კლუბის ოფიციალური ინტერნეტ-გვერდი იტყობინება.
მილანის ინტერის ყოფილი თავდამსხმელი, რიო დე ჟანეიროელთა რიგებში მიმდინარე წელს ჩაირიცხა და 29 მატჩში 19 გოლი გაიტანა (ტურნირის საუკეთესო შედეგი), რითაც უდიდესი წვლილი შეიტანა "ფლემენგოს” მიერ ბოლო 17 წლის განმავლობაში ჩემპიონობის პირველად მოპოვებაში.
გარდა ამისა, 27 წლის ადრიანო ჩემპიონატის სიმბოლურ ნაკრებშიც მოხვდა, რომელიც გულშემატკივართა შორის ჩატარებული მასობრივი გამოკითხვის შედეგად გამოვლინდა – გამოკითხვაში მონაწილეობა 9 მილიონამდე ადამიანმა მიიღო. ქომაგთა აზრით, სეზონი იდეალური გუნდი ასე გამოიყურება:
მეკარე: ვიქტორი (გრემიო)
მცველები: ჯონატანი (კრუზეირო), ანდრე დიასი, მირანდა (ორივე – სან პაულო), ჟულიო სეზარი (გოიასი)
ნახევარმცველები: ერნანდესი (სან პაულო), პაბლო გინასი (ინტერნასიონალი), დიეგო სოუზა (პალმეირასი), დეიან პეტკოვიჩი (ფლამენგო)
თავდამსხმელები: დიეგო ტარდელი (ატლეტიკო მინეირო), ადრიანო (ფლამენგო).
|
FC.INTERNAZIONALE 
...
Fc.inter