მილანის ინტერის თავდამსხმელი მარიო ბალოტელი მომავალი წლის იანვრიდან, სავარაუდოდ, ლონდონის არსენალში გააგრძელებს ასპარეზობას.
Gazzetta dello Sport-ი იუწყება, რომ 19 წლის ფეხბურთელმა, რომელიც ჟოზე მაურინიოს ხელმძღვანელობით იშვიათად ხვდება ინტერის ძირითად შემადგენლობაში, კლუბის თავკაცებს თავად სთხოვა სხვა გუნდში გაშვება.
2010 წლის იანვარში, როდესაც ზამთრის სატრანსფერო ფანჯარა გაიხსნება, ლონდონის არსენალი მილანის ინტერს ბალოტელის სანაცვლოდ 30 მილიონ ევრო სტერლინგს შესთავაზებს. მეთოფეთა რიგებში ფორვარდის ანაზღაურებამ, შესაძლოა, 3 მილიონი გირვანქა შეადგინოს.
ცოტა ხნის წინ გავრცელებული ინფორმაციით, მაურინიოს ბალოტელი რეჯიმის დარღვევისთვის დასჯილი ჰყავს და ფეხბურთელი ამჟამად "ინტერის” სარეზერვო გუნდში ვარჯიშობს.
მარიო ბალოტელი მილანელთა რიგებში 2007 წლიდან ასპარეზობს (44 მატჩი, 15 გოლი სერია A-ში).
|
FC.INTERNAZIONALE 
Fc.inter