ინტერის თავდამსხმელმა დიეგო მილიტომ კიევის დინამოსთან მიღწეულ გუშინდელ გამარჯვებას ჩემპიონთა ლიგაში საერთო წარმატებისკენ გადადგმული ყველაზე მნიშვნელოვანი ნაბიჯი უწოდა. ამ მატჩი შემდეგ ჟოზე მაურიონიოს გუნდი ცხრილის სათავეში მოექცა, გაასწრო რა ბარსელონასა და"რუბინს თითო, ხოლო "დინამოს" ორი ქულით.
დიეგო მილიტო: ეს უმნიშვნელოვანესი გამარჯვებაა, ერთ–ერთი გამორჩეული ამ სეზონში და ვფიქრობ, ამ მოსაზრებას არც წლის ბოლოს შევიცვლი. ჩემპიონთა ლიგა მოულოდნელობებით სავსე ტურნირია და გასაკვირი არაფერია იმაში, რომ ჯგუფიდან გასვლა არც ისე იოლი აღმოჩნდა. საბედნიეროდ, გუშინ ხასიათის სიმტკიცე გამოვავლინეთ და ორი გოლი გავიტანეთ, ამან სიტუაცია შესამჩნევად გამოგვისწორა, თუმცა ყველა ჩვენგანისთვის ცხადია, რომ წინ ორი ურთულესი ორთაბრძოლა გველის", – ამბობს მილიტო "რაი სპორტთან" ინტერვიუში.
|