მილანის "ინტერი” მზადაა, ნახევარმცველ დანიელე გალოპას სანაცვლოდ "პარმას” 10 მილიონი გირვანქა შესთავაზოს. როგორც იტალიური გამოცემა Il Corriere dello Sport-ი იუწყება, მილანელთა ტექნიკური დირექტორი მარკო ბრანკა უკვე წელიწადზე მეტია, რაც 24 წლის იტალიელი ფეხბურთელის თამაშს აკვირდებოდა და სწორედ, ამის მერე გაუჩნდა სერია A-ს მოქმედ გამარჯვებულს პარმელის შეძენის სურვილი. ბრანკას თქმით, "პარმა” გალოპას სანაცვლოდ, სავარაუდოდ, 14 მილიონ გირვანქას მოითხოვს, მაგრამ აღნიშნული თანხა, შესაძლოა, 12 მილიონამდე შემცირდეს. გალოპა "პარმაში” მიმდინარე სეზონის წინ "სიენადან” გადავიდა და იტალიის ჩემპიონატის 12 მატჩში 2 გოლი გაიტანა.
|