საკმაოდ საინტერესო ინფორმაციას ავრცელებს შვედური Aftonbladet-ი. აღნიშნული გამოცემის ცნობით, ზლატან იბრაჰიმოვიჩის ავტობიოგრაფიულ წიგნში, რომელიც უახლოეს მომავალში გამოვა, იბრამ ყოფილ მწვრთნელს, პეპ გვარდიოლას მშიშარა, ხოლო მის შეგირდებს სკოლის მოსწავლეები უწოდა.
შვედი ჟურნალისტების ცნობით, ზლატანის ავტობიოგრაფიული წიგნის იმ ნაწილში, რომელიც კატალონიურ კარიერას ეხება, შემდეგს ვკითხულობთ:
ისეთ ატმოსფეროს მიჩვეული არ ვარ, როგორიც ბარსელონას გასახდელში სუფევდა. ყველა ზედმეტად ჩუმი იყო, ხოლო მესი, ჩავი და ინიესტა მწვრთნელს უსმენდნენ და მას თავს უქნევდნენ. ისინი სკოლის მოსწავლეებს ჰგავდნენ, რომლებიც მასწავლებელს პირდაღებულნი უსმენენ. ფეხბურთელები მწვრთნელს არასდროს ეკამათებოდნენ. ასეთ სიტუაციაში თავს კარგად ვერ ვგრძნობდი.
რაც შეეხება კონკრეტულად მესის, იგი გვარდიოლას რჩეულია. ერთხელ, არგენტინელმა მწვრთნელს თავდასხმის ცენტრში თამაში სთხოვა და გვარდიოლაც სწორედ ისე მოიქცა, როგორც მესის სურდა. მე კი, მწვრთნელთან არანაირი ურთიერთობა არ მქონდა. ზოგჯერ ისეთი შთაბეჭდილება მრჩებოდა, რომ მას ჩემი დანახვაც არ სურდა.
ბოლო წერტილი იყო ჩემპიონთა ლიგის 1/2-ფინალში, მილანის ინტერთან ჩატარებული მატჩი. ძალიან გავბრაზდი, როდესაც მწვრთნელმა ჩემი შეცვლა გადაწყვიტა. მაშინ გვარდიოლას ვუთხარი, რომ მას მოურინიოსი ეშინია.
|
FC.INTERNAZIONALE 
Fc.inter