ესპანური ბარსელონას ფორვარდი ზლატან იბრაჰიმოვიჩი მიიჩნევს, რომ მის ყოფილ გუნდს, მილანის ინტერს,ნოუ კამპზე ქულის აღების მინიმალური შანსიც არ ექნება. ჩემპიონთა ლიგის მე-5 ტურში 24 ნოემბერს გასამართი დაპირისპირების შესახებ, შვედმა ფეხბურთელმა La Vanguardia-სთვის მიცემულ ინტერვიუში ისაუბრა. ინტერის თამაშს ახალწვეულები კარგად მოერგნენ და ძალიან ძლიერი გუნდია, მაგრამ დარწმუნებული ვარ, რომ "ბარსელონა” მეტოქეს დაამარცხებს და ფლეი ოფშიც უცილობლად გავალთ. ჯგუფური ეტაპის ყველა შეხვედრა მაღალ დონეზე ჩავატარეთ, ქულები კი იმის გამო ვერ დავაგროვეთ, რომ იღბალმა ზურგი გვაქცია” - აცხადებს იბრაჰიმოვიჩი. ჩემპიონთა ლიგის F ჯგუფში, ბარსელონას ოთხი ტურის შემდეგ 5 ქულა აქვს და ერთი ქულით ჩამორჩება ჯგუფის ლიდერ ინტერს. ამ გუნდებს შორის მილანში გამართული პირველი მატჩი უგოლოდ დასრულდა.
|