ინტერის ყოფილი ფეხბურთელი და ამჟამინდელი დირექციის წარმომადგენელი ლუიშ ფიგუ ხმა მაღლა საუბრობს ინტერის უპირატესობებზე: "ჩვენ ჟოზე მოურინიო გვყავს, მწვრთნელი, რომელსაც ლონდონის ჩელსიში მრავალი წელი აქვს გატარებული, ის იცნობს ყველა ფეხბურთელს, იცის მათი შესაძლებლობები. მოკლედ, ჩვენ დიდი უპირატესობა გვაქვს. პირველი მატჩი შეიძება გადამწყვეტიც აღმოჩნდეს, სან სიროზე გამარჯვება უდავოდ უნდა მოვიპოვოთ.
ჩელსი? - ეს არის ძალიან ძლიერი გუნდი, რომელიც ჩვენსავით მთელი სეზონის განმავლობაში თავისი ჩემპიონატის ლიდერია, ბრწყინვალე ფორმაშია ყველა მათი ფეხბურთელი და შესაბამისად გუნდის თამაშები ძალიან დამაჯერებელია, თუმცა გავიმეორებ, რომ ჩვენ ჟოზე გვყავს, კაცი, რომელმაც გადასარევად იცის არისტოკრატების შესაძლებლობები.
მათ დროგბა ჰყავთ - ჩვენ სამუელ ეტო'ო, მათ ლემპარდი -ჩვენ ვესლი სნეიდერი, არც დაცვაში გვიჭირს, არ მიმაჩნია, რომ ლუსიოზე მაღალი დონის ცენტრალური მცველი დღეს ბევრი იყოს.
|